LH 5. mailako ikasleen bloga

           Samaniego herri txikia da eta gutxi gora behera 300 biztanle ditu. Azkenaldian konponketa ugari egiten ari dira herrian eta horren berri eman nahi dizuegu.

Udaletxea eraberritzen ari dira, itxura jatorrago eta berriago izan dezan. Taberna berri bat irekiko dute herrian giro hobea izateko eta eskolako kanpoko hormak konpontzen ari dira. Herria hankaz-gora dago, baina espero dugu laster obra horien emaitzak samaniegotar guztiek ikustea.

Ane Martinez, Oihane Riaño,

Nagore Sánez de Samaniego eta Iraultza Urkiza.

               Udaletxeko konpontze lanak

       Taberna berria irekiko duten lekua

                      Eskolako konponketak

Iker, musikako irakaslea eta LH 5. mailako tutorea, eta Maite, matematikako irakaslea eta LH 3. mailako tutorea, elkarrekin ezkonduko dira datorren urtean. Berri gehiago datorren asteotan izango duzue.

Fernando Amestoy

A zer parea…!!

Astroak, unibertsoan dauden berezko gorputzak direla ikasi dugu, halanola, izarrak, planetak, kometak, asteroideak, planeta nanoak, sateliteak, etab. Batzuk berezko argia dute: Izarrak edota kometak kasu, planeten mugimenduekin ere flipatu dugu: errotazioa eta translazioa. Unibertsoaren sorrerari buruzko teoriak: Big-bang-a etab… Baina bereziki harritu gaituena, batez ere, astroen izugarrizko tamaina izan da. Lurra planeta handia bada, izarren tamaina are handiagoa da eta egia esan, gure izarra, Eguzkia ez da izarrik handienetakoa. Horren adibide honako bideo-animazioa da: bertan Richard Strauss-en “Hala mintzo zen Zaratrusta” musikaz lagunduta hainbat planeta eta izarren tamaina agertzen da: Esteka klikatu eta flipatu!

http://www.youtube.com/watch?v=jyhT2v5DMwU

Aste honetan bertsolaritza egin dugu, Iñigo deitzen den tipo jator batekin. Oso ondo pasatu dugu berarekin eta bertsoak egiten ikasi dugu. Hamabostean behin jarraituko dugu Iñigorekin klaseak ematen.

Ane Jabalera 

Azaroaren 2an interkulturalitate tailerra egiten hasi ginen eta astelehenetan eta asteazkenetan izaten da. Gure irakaslea Azahara deitzen da. Oso jatorra da eta berarekin umeentzako arauak egin ditugu eta gure aurreko ikaskidea marraztu dugu.

Iraultza Urkiza

Ongi etorriak Assa ikastolako LH 5. mailako ikasleon blogera. Blog honetan aurtengo ikasturtean Txanelan landuko ditugun hamaika gai, kontu eta txuxtumutxuak argitaratuko ditugu, baita ikasturtean zehar egingo ditugun ekintza ezberdinen albisteak jasoko ditugu eta ikasgelan egingo ditugun hainbat proiektuen berri izango dituzue.

Agur bero bat, LH 5. mailako ikasleak.

Kaixo berriro ere, aurten bosgarren mailan unibertsoko kontuekin hasi gara bueltaka: galaxiak, izarrak, Eguzki-sistema, planetak, asteroideak, sateliteak, izar iheskorrak… Buf!! Hamaika lan egin dugu honen kontura eta egia esan aitzakia ” Izarren hautsa ” kantaren hitzak izan ziren. Honen harira ipuin bilduma bat osatzen gabiltza eta inspirazio iturria unibertsoaren misterioak eta fantasiak izan dira. Azken ukituak ematen ari gara eta honen berri ere izango duzue blogean. Bitartean, Ken Zazpi taldearen “Izarren hautsa” kantaren bertsioaren bideo-karaokea duzue ikusgai. Bertan, Euskal Herriko hainbat paisaia agertzen dira. Ongi izan!!